Хоккей • 23 Қараша, 2023

Финалистер анықталды

110 рет
көрсетілді
1 мин
оқу үшін

Шайбалы хоккейден келесі жылдың 12-14 қаңтары аралығында өтетін Құр­­лықтық кубоктің финалдық бө­лігіне жолдама алған барлық команда анықталды.

Финалистер анықталды

Іріктеу турнирінде Астананың «Номады» да қатысқан еді. Олар барлық кездесуде жеңіске жетіп, Е тобында көш бастады. Осы көрсеткіш арқылы мықтылармен күш сы­насу мүмкіндігіне ие болды. Елордалық хоккейшілер енді финалдық турнирде Ұлыбританияның «Кардифф Девилз», Польшаның «Катовице» және Данияның «Хернинг Блю Фокс» клубтарымен күш сынасады. Әзірге бұл матчтардың қайда өтетіні әлі анықталған жоқ.

Осы орайда Республикалық шайбалы хоккей федерациясының басшылары жарысты Қа­зақстанда ұйымдастыруға ниет білдіріп отыр­ғанын айта кеткен жөн. Егер бұл ұсыныс қолдау тапса, онда Құрлықтық кубоктің шешуші ойындарын «Барыс Аренадан» тамашалаймыз.