Қаскүнемдер қолға түсті

Жымысқы әрекетін жүзеге асырып жүргендер «Ша­ңырақ» шағын ауда­нындағы Тұрысов көшесіндегі үйлер­дің бірін тонағаннан кейін көп ұзамай ұсталған. Таңғы 5-тер шамасында полиция қолына түскен көрші ел­дің қос азаматынан пәтер ұр­лы­­ғына қатысты айғақзат тәр­кі­лен­ген. Поли­циядағылар күдік­ті­лердің бірнеше күн бұрын Әуезов ауданында болған пәтер ұ­р­лы­ғына да қатысы бар болуы мүмкін екенін айтады.

«Тонаушыларды «Құ­қықтық тәр­тіп» іс-шарасы аясында қала­лық­ крими­налдық полиция бас­қар­масының Алатау аудандық ПБ және полицияның арнайы жаса­ғының қызметкерлері ұста­ды. Қаскөйлер қала­да өздері жал­ға алған «Kia» маркалы көлі­гі­мен жүр­гендігі белгілі болды. Олар Қылмыстық ко­декстің 188-бабы 3-бөлігі бо­йынша тер­геліп жатқан қылмыстық іс материалдарына тіркелді. Ұстал­ған­дар­дың басқа да қылмыстарға қатысы бар-жоғы жан-жақты тек­серіліп жатыр», дейді Алатау аудан­дық полиция басқармасы бас­­шы­сының орынбасары Данияр Омаров.

Үй тонау қылмысы қала ірге­сін­дегі жаңадан қалып­тасып жат­­қан жер үйлерде жиі тірке­ле­тін кө­рінеді. Жыл басында таны­сымыздың үйін то­наған баукес­пелер нақ сол күні, сол көшеде тұратын тағы бір үйдің дүние-мүлкін қолды еткен. Арызданушылар мұны ұрылардың бір үйден алған баға­лы затты келесі бір үйге тас­тап кеткенінен білген. Аңғар­ға­ны­­мыздай, бөгденің қасықтап жи­наған несібесіне қол сұғып, оңай олжаға кенелеміз деген қыл­мыс­керлер тал түсте біреудің пәтеріне бас сұғып кіруге еш қымсынбайтын болған.

Алматы қалалық По­ли­ция депар­таменті­нің ақпаратына сәйкес, ша­һар­дағы тұрғын үй аулалары мен қо­ғамдық нысандар аумағына орнатыл­ған бейнекамералардың арқа­сында бөтеннің мүлкін ұрлау фактілері азайған. Мамандар қылмыстың алдын алу мақсатында IT тех­но­­логиялардың мүм­кіндігін бел­сенді пайдаланып жүр. Бү­гін­де қалада 130 мыңға жуық бейне­ба­қылау камерасы бар десек, олар­дың 90 пайызы бюджеттен тыс қаржыға орнатылған. Бей­не­­­таспаға жазылған материал­дар­ды қолдану нәтижесінде кейінгі үш жылда пәтер ұрлығы төмендепті.

Қала аумағындағы пә­тер ұр­лы­ғының азаюына­ тұрғын­дар­дың өз дүние-мүлкіне ықтиятпен қа­рап, күзет мекемелерінің қыз­ме­тіне жүгінуі сеп болып отыр.

АЛМАТЫ