Фото: Қызылорда облысы әкімдігінің баспасөз қызметі
«Сырдарияның бойында өмір сүрген сақ мәдениетінің жауһары – алтын киімді «Шірік-Рабат сақ жауынгері» мен Алтын Орда кезеңіндегі Ұлы дала көшпенділерінің өркениетін паш ететін алтын әшекейлі «Сығанақ ханшайымы» мүсіндері бүгін музейге тапсырылды. Мүсіндер археолог-ғалымдардың ғылыми негіздемелеріне сәйкес жасалды», деген облыс басшысы Нұрлыбек Машбекұлы желтоқсанның 8-9-ы күндері еліміздің бас шаһары – Астанада өтетін Қызылорда облысының өнер күндері аясында ұйымдастырылатын «Сыр өңірі – Түркі дүниесінің алтын бесігі» көрмесінде аталған алтындатқан мүсіндер елорда жұртшылығына таныстырылатынын атап өтті.
Мүсіндерді реконструкциялауға облыстық бюджеттен 40 млн теңге бөлінген. Туындыларды археолог-ғалымдар Жолдасбек Құрманқұлов, Әзілхан Тәжекеевтер, реставратор Қырым Алтынбеков, Өзбекстан және Татарстан ғалымдары Айсұлу Жаппарбергенқызы, Людмила Макласовалар жасады.
