Өнер • 05 Желтоқсан, 2023

"Талып қала бердім". Медеу Арынбаев 23 жылдан бері жанына батқан дерті туралы

1604 рет
көрсетілді
1 мин
оқу үшін

Танымал эстрада әншісі Медеу Арынбаев 2000 жылдардан соң денсаулығының сыр бере бастағанын айтты, деп хабарлайды Egemen.kz.

"Талып қала бердім". Медеу Арынбаев 23 жылдан бері жанына батқан дерті туралы

"Динамен дұрыс" бағдарламасына қонақ болған өнер иесі он жылдан астам уақыт бойы талма дертінен жапа шегіп, күрделі он сағаттық отадан соң, жақсарғанын жеткізген.

- 2000 жылдан бастап ес жоғалту, тіресіп қалу сияқты ауруым басталды. 1993 жылдары, ол кезде жаспыз, мейрамханадан шығып келе жатқанда үш жігіт тепкіге алған еді. Сол жеті жылдан кейін сыр берді ме деп ойладым. Сол соққыдан немесе туа пайда болған нәрсе ма, белгісіз. Бастапқыда жылына екі рет қайталанды. Содан уақыт өте келе ушығып, екі-үш айда бір рет бола бастады. Бірде сахнада ұстап қалды, сіресіп қалдым. Төрт рет қала ішінде көлік жүргізіп келе жатқанда болды. Бір рет маңызды шарада маңызды сәтте сіресіп қалып, сахнадан алып кетті. Сол кезде қара тізімге түсіп қалдым ба деп қорықтым. Отадан кейін шүкір жағдайым жақсы. Міне төрт жарым жылдай менде қайталану жоқ. Жағдайым тұрақты, концерт бойы ән айта аламын, - деді әнші.