Фото: ОҚК телеграм
Қазірдің өзінде жағадан 20 км кеткен жерлері бар. Жайықтың құятын жерінде 45-50 см дейін таязданып кеткен. Аталған тұста кеменің, балықтың өтуіне қиындықтар туындап отыр.
Облыс әкімінің айтуынша Мемлекет басшысы Каспийді зерттеу жөніндегі институт құру жөнінде арнайы тапсырма берген. Ғылым және жоғары білім, Су ресурстары министрліктерімен бірлесе отырып, қазіргі уақытта институт құрылып жатыр. Оның негізгі бөлігі Ақтау қаласында, Маңғыстауда болады, ал филиалы Атырауда орналасатыны жоспарланған.
«Ғалымдар зерттеп, өз ұсыныстарын беру керек деп ойлаймын. Каспийге құятын Жайықтың түсімі былтыр да, биыл да бірқалыпты болды, соған қарамастан теңіз тартылып барады. Бұл судың түсіміне байланысты емес те шығар. Себебі Каспийдегі су айдынының, ішкі температурасының да өсуі байқалады. Сондықтан мамандар зерттегеннен кейін ғана белгілі бір шаралар қабылданып, жұмыстар жүргізіледі», деді облыс басшысы.
