Турнирдің жалпы жүлде қоры 1 500 000 теңге. Жеңімпаз 500 000 теңге немесе желтоқсан айының соңында Самарқанд қаласында өтетін рапид пен блиц бойынша әлем чемпионатына жолдама-грант иегері атанады.
Жарыс швейцариялық жүйеге және ФИДЕ ережесіне сәйкес 7 тур бойы «Swiss-Manager» компьютерлік жеребесін қолдана отырылып өткізіледі. Қатысушыға партия соңына дейін 10 минут беріледі, бұған әр жүріске 5 секунд қосылады.
Байрақты дода 15 желтоқсан сағат 11:00-15:30 аралығында Алматы қаласы Қожанов көшесі, 2/2 мекенжайында өтеді. Турнирдің басты серіктесі - Freedom Broker компаниясы.
Қатысушыларды тіркеу 2023 жылдың 12 желтоқсаны сағат 12.00-де аяқталады. Өтінімдер [email protected] электронды поштасы арқылы қабылданады.
