Аймақтар • 13 Желтоқсан, 2023

Ақтауда балабақша тәрбиешісі бір жасар баланы ұрған (видео)

376 рет
көрсетілді
1 мин
оқу үшін

Ақтаудағы балабақшалардың бірінде кішкентай қызды соққыға жыққан тәрбиеші тергеуге алынды, деп хабарлайды Egemen.kz.

Ақтауда балабақша тәрбиешісі бір жасар баланы ұрған (видео)

Фото: ашық дереккөз

Lada.kz басылымы хабарлағандай, қыздың анасы полицияға арызданған. Оның айтуынша, балабақша тәрбиешісі балаға қол көтерген. Қыздың анасы баланың денесінде де көгерген іздер байқалғанын айтты.

Оқиғаның мән-жайын анықтау үшін балабақшада орнатылған бейнебақылау камерасына жазылған материалдар зерттелді. Бейнежазбаға қарағанда, тәрбиеші балаларды ұйықтатып жатқан. Кенеттен ол бір баланы жатқан жерінен жұлқып алып, бетінен ұрып, жастыққа лақтырып жіберген.
«Бұл факті ҚР Қылмыстық кодексінің 140-бабының 2-бөлігі (Кәмелетке толмаған баланы тәрбиелеу жөніндегі міндеттерді орындамау) бойынша Сотқа дейінгі тергеп-тексерудің бірыңғай тізіліміне тіркелді, 30 жастағы тәрбиеші тергелді. Тергеу мүддесіне сәйкес өзге ақпарат жарияланбайды», деп түсіндірді полиция қызметкерлері.