Балалар • 25 Желтоқсан, 2023

Бар жақсылық – балаларға!

94 рет
көрсетілді
2 мин
оқу үшін

Мемлекет басшысы Жолдауында «Біз үшін ең маңыздысы – әр азаматтың Тәуелсіздік игілігін сезіне алуы. Оның басты көрінісі – елдегі бейбіт өмір, қоғамдағы тұрақтылық пен тыныштық. Сондай-ақ халықтың тұрмыс сапасының жақсаруы және жастардың болашаққа нық сеніммен қарауы. Еліміздің білім беру және ғылым саласының алдында кезек күттірмес ауқымды міндеттер тұр» деген еді. Сондай негізгі міндеттердің қатарында 2-6 жасқа дейінгі балаларды балабақшамен қамту мәселесі де бар.

Бар жақсылық – балаларға!

Мәселен, Атырау облысының әкімі Серік Шәпкеновтің айтуын­ша, былтыр 785 орындық үш бала­бақша ашылған. Ал биыл мемле­кеттік-жекеменшік әріптестігі аясында 2 610 орынға есептелген 9 бала­бақшаның құрылысы аяқталды. Өткен аптада жаңа үш балабақша ашылды. Жаңа нысандардың құ­ры­лысын «Серпін»-2030» ЖШС жүргізген.

Балабақшаның бірі – Атырау қаласына іргелес орналасқан Ақ­жар-2 елді мекенінде орналасқан «Ақ­желкен». Ал «Болашақ» және «Бәйтерек» балабақшалары мұ­найлы шаһардың А.Байтұрсынов пен Белинский көшесінде ашылды. Әр балабақша 290 орынға арналған.

«Мемлекетіміздің басты ұста­нымы – балаларға сапалы білім, са­налы тәрбие алуға қолайлы жағ­дай жасау. Президенттің бала­бақша мен мектептердің санын көбейту жөніндегі тапсырмасына орай облыстағы балабақша санын көбейтіп жатырмыз. Алдағы бес жылда 2-6 жастағы балалар үшін 8 мыңға жуық орны бар бөбек­жайлар салуды жоспарлап отырмыз. Балаларға сапалы білім мен ұлттық тәрбие беретін осындай жобалар әрі қарай да жалғасады», деді С.Шәпкенов.

Балабақшалардағы асхана, жатын бөлме, ойын, логопед және психолог, педагогтер бөлмелері, спортзалы заманауи құрал-жаб­дықтармен қамтылған. Асханадағы тағамдар санитарлық талапқа сай тоңазыт­қыш­та сақталады. Дәрігер бөл­ме­сін­де балаларға алғашқы кө­мек көр­сетуге қажетті дәрі-дәр­мектің бәрі бар.

Әр балабақшада 26 адам жұмыс істейді. Балабақшаларда 12 топ ашылған. Онда балақайлар кіші және үлкен топқа бөлінеді.

«Осы кезге дейін мемлекет-же­кеменшік әріптестігі аясында 870 орындық үш балабақша қолданысқа берілді. Енді тағы 890 баланы қам­титын үш балабақшаның нысаны іске қосылады. Бұл балабақшамен қамту үлесін 15,2 пайызға азайтады», деді С.Шәпкенов.

 

Атырау облысы