Қоғам • 27 Желтоқсан, 2023

1 қаңтардан бастап коммуналдық қызмет тарифтері қалай өзгереді?

1338 рет
көрсетілді
1 мин
оқу үшін

27 желтоқсанда мәжіліс кулуарында Ұлттық экономика министрі Әлібек Қуантыров 2024 жылы коммуналдық қызмет құнының көтерілуі туралы айтып берді, деп хабарлайды Egemen.kz.

1 қаңтардан бастап коммуналдық қызмет тарифтері қалай өзгереді?

Министр тарифтерді көтеру мәселелері бойынша кейбір қоғамдық тыңдаулар өткенін атап өтті. Бұл ең әуелі коммуналдық инфрақұрылымы нашарлаған аймақтарға қатысты.

«Қызыл аймақта 87 табиғи монополия субъектісі болды. Субъектіге және оның нашарлауына байланысты ең шұғыл өтініштер мен талқылаулар өтті», деді Әлібек Қуантыров

Барлық салада тариф бағасы көтеріледі.

«Энергетика, газдандыру, сумен жабдықтау, кәріз, жылумен қамту – бірақ бұның бәрі кезең-кезеңімен болады. Аймақтарда тозуына байланысты, 15-30 пайызға дейін болады. Бірақ әр өңірде әртүрлі», деді Ұлттық экономика минстрі. 

Стратегиялық тауарлар бағасының қымбаттауы мен электр энергиясының қымбаттауы – Қазақстанда коммуналдық қызмет тарифтерінің өсуіне әсер ететін негізгі факторлардың бірі. 6 қарашада 2023 жылдың екінші тоқсанында «Инвестицияға айырбас тарифі» бағдарламасын іске асыру аясында Ұлттық экономика министрлігі тарифтерді көтеруге 212 өтінімді мақұлдады. Бұл өтінімдерді коммуналдық кәсіпорындар – табиғи монополиялар субъектілері берген.