Аталған турнирдің жекелеген сайысында Елена Рыбакина, Юлия Путинцева және Александр Бублик бақ сынайды. Олардың барлығы да ТОП-100 ойыншы санатында. Мәселен, Рыбакина әлемдік рейтингте төртінші орында тұрса, Путинцева 66-сатыға жайғасты. Ерлер арасындағы ең үздік теннисшіміз Бублик 32-орынды иеленді. Жұптық бәсекеде Анна Данилина мен Александр Недовесов өнер көрсетеді. Ал уақыт озған сайын нәтижелері жақсарып келе жатқан Бейбіт Жұқаев пен Денис Евсеев іріктеу турниріне қатысады. Сол сынақтан іркілмей өткен жағдайда олар мықтылармен күш сынасу құқығына ие болады.
Дәл сол Мельбурнде жасөспірімдер арасында да дәстүрлі дода ұйымдастырылады. Бұл жарыста Әмір Омарханов пен Асылжан Арыстанбекованың өнерін тамашалаймыз. Ал Даниал Рахматуллаев пен Виталий Зацепин іріктеу сайысына қатысады.
