Әскери бөлімнің саптық алаңында арнайы шеру өткен соң «Батыс» өңірлік қолбасшы полковник Бекайдар Қазкеев сөз алып, жеке құрамды жаңа оқу жылымен құттықтады.
Оқу кезеңінде әскери қызметшілерді дайындау, мемлекеттік құқық сабақтары жүргізілді. Арнайы жоспарланған сабақты Ұлттық ұланның «Батыс» өңірлік қолбасшысы өзі өткізді.
Ұландар саптық алаңда әскери техниканы, қару-жарақты, әскери мүліктерді дұрыс қолдану, белгіленген заңдарды сақтау, алғашқы медициналық көмек көрсету, жауынгерлік қызметті атқару кезінде қауіпсіздік ережелерін сақтау бойынша нұсқаулық сабақтан өтеді. Оқу кезеңі мамыр айына дейін созылады.
