Жарыстың бірінші ракеткасы болып тіркелген Жібек Құламбаева грекиялық Сапфо Сакелларидимен бірге финалда таиландтық Ланлана Тараруди мен тайбэйлік Чиа-И Цаомен сынға түсуі керек еді. Алайда таиландтық-тайбэйлік жұп бәсекеге келмей қалды да, Ж.Құламбаева мен С.Сакеллариди ойнамастан чемпион атанды. Осылайша, Жібек Құламбаева жұптық сында ITF додасында жаңа жылдағы бірінші, спорттық жолындағы 27-титулына қол жеткізді.
Сондай-ақ бұған дейін тағы бір отандасымыз Анна Данилина жұптық сында топ жарды. Ол словакиялық Виктория Грунчаковамен жұптасып, Аустралияның Окленд қаласында өткен WTA турнирінде жеңіске жетті. Олардың финалдағы қарсыласы америкалық Бетани Маттек-Сандс пен чехиялық Мария Бузкова болды. Қорытынды есеп – 6:3, 6:7, 10:8. Данилина үшін бұл – жұптық сындағы WTA-ның бесінші титулы.
