![Көктемгі қызыл су тасқынына дайынбыз ба?](/media/2024/01/09/3a4c381d-d3d6-454e-80e2-d22d06a9568d.webp)
Фото: KZgovernment
Үкімет отырысында Төтенше жағдайлар министрі Сырым Шәріпханов көктемгі тасқынға төтеп берудегі қауқарын баяндады. Сала басшысы құрамында 39 мыңнан астам адам, 11 мыңға жуық техника, 500-ден астам жүзу құралдары және 3 мыңнан астам мотопомпа сақадай-сай екенін айтты.
Құтқару күші мен құралдарды жедел тасымалдау, сондай-ақ зардап шеккен халықты шұғыл эвакуациялау жағдайында «Қазавиақұтқару» АҚ әуе кемелері тұрақты дайындықта болады. Азаматтық қорғаныстың әскери бөлімдері де құтқару операцияларына қатысуға дайын. Сонымен қатар су тасқынына қарсы іс-шаралардың тиісті жол картасын іске асыру жалғасып жатыр. Атап айтқанда, Ақмола облысында Есіл су реттегішін салу бойынша жобалау сметалық құжаттамалары әзірленіп жатқанын жеткізді.