Елорда • 09 Қаңтар, 2024

Елордада алып сәби дүниеге келді

9466 рет
көрсетілді
1 мин
оқу үшін

Астананың №3 көпбейінді қалалық ауруханасында 5 484 гр салмақпен батыр сәби дүниеге келді, деп хабарлайды Egemen.kz елорда әкімдігінің ресми сайтына сілтеме жасап.

Елордада алып сәби дүниеге келді

Фото: ашық дереккөз

Айта кетерлігі, дәрігерлер кесарь тілігіне жүгінбеді, келіншек өздігінен табиғи жолмен босанды.

Сәбидің 35 жастағы анасы бұл оның үшінші баласы екенін айтты.

Өзге балалары да 4500 және 4050 гр салмақта дүниеге келген.

Ол аурухана қызметкерлеріне кәсібилігі мен қамқорлығы үшін ризашылығын білдірді. Әсіресе акушері Залина Асановаға алғысы ерекше.

«Асқынусыз  босанды, бірақ, әрине, ерекше назар аударуға тұрарлық. Іштегі нәрестенің үлкендігіне қарамастан, бәрі жақсы өтті. Ең бастысы – баланың дені сау және ана бақытты. Бұл біздің жұмысымыздың басты мақсаты», деп пікір білдірді акушер.

Әйелдерді босандыру бөлімінің меңгерушісі Гүлнәр Қайырбекова салмағы бес келіден асатын балалар өте сирек дүниеге келетінін атап өтті.

«Перзентханамызды соңғы айда екінші осындай алып бала дүние есігін ашты. Желтоқсан айында салмағы 5 кг-дан асатын сәби дүниеге келген», деді ол.