Алғашқы рейтингілік жарыс 10-14 қаңтар күндері Хорватияда өтеді. «Zagreb Open» додасына қазақ балуаны Азамат Дәулетбеков бастаған бірқатар балуан қатысады. А.Дәулетбеков 2022, 2023 жылдары өткен әлем чемпионатында қола алған. Ал Азия чемпионатында 2022, 2023 жылдардары жеңіс тұғырына көтерілсе, 2017 жылы күміс, 2018 жылы қола жүлдегер атанды.
Сондай-ақ Загребтегі жарыста әйелдер күресінен Ирина Казюлина (65 кг), Елена Шалыгина (68 кг) және Эльмира Сыздықова (76 кг) бозкілемге шығады. Ал 6-9 маусым күндері Будапешт қаласында кезекті рейтингілік турнир ұйымдастырылады. Бұған қоса 11-16 сәуір аралығында балуандар Бішкекте өтетін жыл сайынғы Азия біріншілігінде де рейтингілік ұпайлар үшін күреседі.
