ФОТО: halyq-uni.kz
86 кг салмақ дәрежесінде белдескен балуанымыз алдымен үндістандық Дипак Пунияны 6:2 есебімен қапы қалдырды. Бұл қарсыласы – 2019 жылғы əлем чемпионатының күміс жүлдегері атанған тәжірибелі балуан. Одан кейін Азамат украиндық Валентин Бабий мен грузиялық Евсем Швелидзені тізе бүктіріп, финалға жолдама алды. Ал финалда бабы келіскенімен, бағы жанбай, Болгария атынан сынға түсіп жүрген ресейлік Магомед Рамазановқа 5:8 есебімен есе жіберді. Сөйтіп, күміс жүлдені мойнына ілді. Осы орайда Азаматтың былтыр Сербия астанасы Белградта өткен əлем чемпионатында қола жүлдеге ие болып, Париж Олимпиадасының жолдамасына қол жеткізгенін айта кеткен жөн.
Сонымен қатар рейтингілік бəсекеде қыздарымыз да ел намысын қорғайды. Атап айсақ, Ирина Казюлина (65 кг), Елена Шалыгина (68 кг) мен Эльмира Сыздықова (76 кг) күш сынасады.
