2024 жылы қазанның екінші жексенбісінде атап өтілетін Мүгедектер күніне орай әлеуметтік көмек қолданысқа енгізілді. 1-топтағы мүгедектігі бар адамдарға – 20 АЕК немесе 73 840 теңге, 2-топтағы мүгедектігі бар адамдарға және барлық топтағы он сегіз жасқа дейінгі мүгедектігі бар балаларға – 10 АЕК немесе 36 920 теңге, 3-топқа 5 АЕК немесе 18 640 теңге беріледі.
Сонымен қатар мереке күндерінде кейбір осал топтағы азаматтарға 2,5 АЕК мөлшерінде біржолғы ақшалай түрінде әлеуметтік көмек көрсетіледі. Атап айтқанда, 4 ақпан – Дүниежүзілік қатерлі ісікке қарсы күрес күні қатерлі ісік тәрізді диагонозы бар балалар мен азаматтарға, 8 наурыз – Халықаралық әйелдер күні көп балалы аналарға, оның ішінде аз қамтылған аналарға, 21-23 наурыз – Наурыз мейрамына орай ата-анасының қамқорлығынсыз қалған балаларға, 7 мамыр – Отан қорғаушылар күні Отан алдындағы ерекше еңбегі үшін зейнетақы алушылар қатарындағы зейнет жасындағы адамдарға, 31 мамыр – Саяси қуғын-сүргін құрбандарын еске алу күні саяси қуғын-сүргіннен зардап шеккен, мүгедектігі бар немесе зейнеткер адамдарға, 1 маусым – Балаларды қорғау күні жетім балаларға, 29 тамыз – Семей ядролық сынақ полигонының жабылу күні ядролық сынақтардың салдарынан зардап шеккен азаматтарға, 1 қазан – Қарттар күні жасы бойынша зейнеткерлерге және зейнетақының ең төменгі мөлшерін алушылар қатарындағы зейнеткерлік жастағы адамдарға, 1 желтоқсан – Дүниежүзілік ЖИТС-пен күрес күні иммун тапшылығы вирусын зардап шегетіндердің қатарындағы әлеуметтік маңызы бар науқастарға біржолғы әлеуметтік көмек беріледі.
Бұған қоса «Жаппай саяси қуғын-сүргін құрбандарын оңалту туралы» заңда белгіленген тәртіппен 1986 жылғы 17-18 желтоқсандағы Қазақстандағы оқиғаларға қатысушылар қатарындағы саяси қуғын-сүргін құрбандарына 16 желтоқсанда (Тәуелсіздік күні) 60 АЕК мөлшерінде әлеуметтік көмек көрсетіледі.
15 ақпан – Кеңес әскерлерінің шектеулі контингентін Ауғанстаннан шығару күні «Ардагерлер туралы» заңдағы 5-бабының 2, 3, 4, 5-тармақтарында көрсетілген басқа мемлекеттердің аумағындағы жауынгерлік іс-қимылдарға қатысқан ардагерлерге, Ауғанстанда әскери қызмет өткеру кезінде жаралануы, контузия алуы, мертігуі немесе ауруы салдарынан мүгедектігі бекітілген азаматтарға, сондай-ақ 26 сәуір – Чернобыль атом электр стансасындағы апат құрбандарын еске алу күні жеңілдіктері бойынша Екінші дүниежүзілік соғысы ардагерлеріне теңестірілген ардагерлерге және Чернобыль атом электр стансасындағы апат салдарын жоюға қатысқан адамдар қатарындағы адамдарға 45 АЕК мөлшерінде әлеуметтік көмек көрсетіледі.
Ал 9 мамыр – Жеңіс күніне әлеуметтік көмек ретінде Екінші дүниежүзілік соғыс ардагерлеріне 1 млн теңгеден кем емес беріледі. Ұлы Отан соғысының ардагерлеріне теңестірілген ардагерлерге де 45 АЕК мөлшерінде көмек ала алады. Алайда еңбек ардагерлеріне 15 АЕК мөлшерінде көмек алады. Сондай-ақ әлеуметтік көмек 25 қазан – Республика күнінде аз қамтылған азаматтарға 4,5 АЕК (АӘК алушылар қатарынан) мөлшерінде беріледі.
