Фото: Қазақстан бокс федерациясы
Мырзағали Айтжанов өткен жылдың қаңтар айында бокстан Қазақстан құрамасының тізгінін екінші рет қайта ұстады.
Қазіргі таңда ұлттық құрама Париж Олимпиадасына жолдама беретін лицензиялық турнирлерге қызу дайындық үстінде. Egemen.kz тілшісі Қуаныш Нұрданбекұлы жігіттердің жаттығудағы жайымен бірге, мексикалық қарсыласы Хосе Мигель Боррегодан нокаутпен жеңілген капитан Асланбек Шымбергеновтің ахуалын, денсаулығы мен алдағы сындарға дайындығын сұрады.
«Асланбек мінезді боксшы, қатарға қосылып жаттығуын жасап жүр. Нокаут дегенде тура тиген соққыдан құлады. Анау айтқандай қатерлі жарақат емес, медициналық тексерістен өтіп, дәрігерлердің бақылауында болып ем-домын алды. Қазір бабында, лицензиялық турнирге әзірлік жүргізіп жатыр», деп жауап берді Мырзағали Айтжанов.
