Фото: newizv.ru
Бұл ретте экспорт 40,8%-ға, импорт 37,5%-ға өсті.
Ол ЕАЭО-ның басым міндеттеріне салалық кооперацияны нығайту, жаңа іскерлік байланыстар құру, цифрлық қызметтердің трансшекаралық саудасын жолға қою және деректер алмасуды қамту керек екенін атап өтті.
«ЕАЭО-ның бірыңғай цифрлық кеңістігін дамыту үшін институционалдық орта қазірдің өзінде бар. Біздің ойымызша, мүше мемлекеттер арасындағы ақпарат алмасудың ортақ процестерінің дұрыс жұмыс істеуін қамтамасыз ету, сондай-ақ интеграцияланған ақпараттық жүйені кезең-кезеңмен көшіруге назар аударуымыз керек..ЕАЭО цифрлық платформадағы өзара іс-қимылдың неғұрлым заманауи және тиімді үлгісіне өту бөлек қарастыруды және егжей-тегжейлі зерттеуді қажет етеді», деді Никол Пашинян.
Армения Премьер-министрі ақпаратпен уақтылы және үзіліссіз алмасу ЕАЭО аясында тауарлар мен қызметтердің қозғалысы кезінде туындайтын мәселелерді шешуге және ең аз дегенде, ішкі нарықтағы әкімшілік кедергілер мен шектеулердің басым бөлігін азайтуға мүмкіндік беретінін атап өтті.
Оның айтуынша, газ, мұнай және мұнай өнімдерінің ортақ нарықтарының жұмыс істеуін бастау жоспарланса да, бүгінгі күні мүше мемлекеттердің энергетикалық ресурстардың ортақ нарығын құру және дамыту перспективаларына бірыңғай көзқарасы жоқ.
«ЕАЭО-ға мүше мемлекеттердің барлығы үшін ортақ энергетикалық нарықты құру экономикалардың тұрақты дамуына, халықтың әл-ауқатын арттыруға ықпал ететін бірқатар негізгі артықшылықтарды беретініне сенімдімін. Осыны ескере отырып, біздің диалогымыз ымыраға келу келісімдерін табуға бағытталуы керек деп санаймыз», деп түйіндеді сөзін Никол Пашинян.
