Фото: Egemen.kz.
«Қазіргі уақытта жобаның негізгі тасымалдау бағыты Қытай болып табылады. Өткен жылы алғаш рет Үндістан мен Иранға дәліз ашылды. Өзбекстанға пилоттық жеткізу аяқталды, БАӘ-ге де жөнелту жұмыстары жүргізіліп жатыр», деп түсіндірді Сағынтаев.
Сонымен қатар ЕАЭО елдерінің көлік саласындағы басым интеграциялық инфрақұрылымдық жобаларының тізбесі кеңейтілді. Қазақстаннан екі, Қырғызстаннан екі жоба енгізілген. Қазақстандық жобалар «Солтүстік-Оңтүстік» шығыс халықаралық көлік дәлізін дамытуға бағытталған, ал Қырғызстандағы жобалар Бішкекті айналып өтетін автомагистраль және Балықшыдан Жалал-Абадқа дейінгі теміржол құрылысын қамтиды.
Сағынтаев Алматыда өткен Еуразиялық үкіметаралық кеңес отырысының басқа да нәтижелеріне тоқталды.
«Үкімет басшылары ЕАЭО елдеріндегі макроэкономикалық жағдай туралы жыл сайынғы баяндамасын ұсынды. 2023 жылы оң экономикалық динамика жалғасты. Тұтыну және инвестициялық сұраныс өсті, өнеркәсіп өндірісі өсті, құрылыс жұмыстарының көлемі және басқа да көрсеткіштер өсті», деді ол.
Өткен жылдың 11 айында ЕАЭО аясындағы өзара сауданың өсімі 5,6%-ды құрады. Одақтың сыртқы сауда айналымындағы өзара сауданың үлесі бір жылда 15,3%-дан 18,3%-ға өсті.
Сондай-ақ ол цифрландыру мәселесі үнемі назарда екенін атап өтті. 2023 жылдың соңында жалпы цифрлық процестердің техникалық дайындығы үрдісі байқалады. Оларды коммерциялық пайдалануға беру жұмыстары жүргізіліп жатыр.
«Криптографиялық ақпаратты қорғау құралдарын бірлесіп әзірлеу бойынша іс-шаралар жалғасып жатыр. Біз үшін бұл маңызды кезең. Тиісті жоспарды Мемлекет басшысы бекітті. Оны жүзеге асыру бізге технологиялық қауіпсіздіктің түбегейлі жаңа деңгейіне шығуға мүмкіндік береді», деді. ЕЭК алқасының төрағасы.
Үкіметаралық кеңестің келесі отырысы Беларусьте өтеді.
