Күні кеше ғана Күншығыс елінен «Қазақстан құрамасы қос жүлдені олжалады» деген қуанышты хабар жетті. Атап айтсақ, із кесу жарысында құрамында Кристина мен Алина Шумекова және Мария Деген сынды жүйріктері бар командамыз қола медальды иеленді. Бұл бәсекеде жапон қыздары алдарына жан салмаса, Нидерландтың бұрымдылары күміс медальды еншіледі.
Арада бір сағатқа жетер-жетпес уақыт өткенде Дарья Гаврилова және апалы-сіңлі Шумековалар спринтшілердің сайысында күміс жүлдені олжалады. Бұл бәсекеде жерлестеріміз Қызғалдақтар елі конькишілерінен ғана оза алмады. Үшінші орында – Канада құрамасы.
