Фото: kisi.kz
Бірінші міндеттердің қатарында тозығы жеткен нысандарға күрделі жөндеу жұмыстарын жүргізу тұр. Энергетика министрлігінің деректері бойынша, республикада орташа тозу көрсеткіші 66%-ды құрайды, кейбір нысандарда 90%-ға жетеді. Сонымен қатар экономиканың өсуі және жаңа өндірістердің іске қосылуы барысында электр энергиясының тапшылығы мәселелерін шешу үшін жаңа өндіруші қуаттардың сапасы мен мерзіміне мұқият назар аудару қажет.
Мемлекет басшысы тарифтердің өсуіне байланысты тұтынушыларды атаулы субсидиялау құралдарын енгізу қажеттігін атап өтті. Бұл тұрғыда халық алдында жылу мен электр энергиясын үнемдеп пайдалану тезисі өзекті.
Үкімет тұрғын үй және өнеркәсіп секторларында энергияны үнемдеуді және оның тиімділігін арттыру жөніндегі іс-шаралар кешенін әзірлеуге әрі қабылдауға баса назар аударуға тиіс.
Мұндай іс-шаралар жоспары құрылыс нормалары мен ережелерін бақылау, жылу энергиясын босатуды есепке алу, коммуналдық қызметтерді ұсыну, жылу төлемдерін 20% немесе одан да көп төмендетуге мүмкіндік беретін тікелей әрекет ететін автоматты термостаттарды орнату мәселелерін қамтуы мүмкін. Бұл тәсіл ресурстарды саналы әрі үнемді тұтынуға ықпал етеді.
Сонымен бірге инфрақұрылымның жай-күйін толық бағдарлау үшін жылумен жабдықтау жүйелеріне толыққанды техникалық аудит жүргізу және осы саланың барлық үдерістерін одан әрі цифрландыру қажет. Бұл шараларды энергетикалық объектілер мен ТКШ объектілері қызметінің ашықтығын қамтамасыз етеді. Оған қоса халық үшін ресурстар көлемінің қажеттілік деңгейін айқындауға ықпал ететін мониторинг жүйесін құруға сеп болады.
Бауыржан ӨМІРЗАҚОВ,
Президент жанындағы ҚСЗИ Жаһандық экономика және тұрақты даму бөлімінің бас сарапшысы
