Парсы елінде 12 спортшымыз жеңіс тұғырына көтерілді. Давид Ефремов (60 метрге кедергілер арқылы жүгіру), Елизавета Матвеева (биіктікке секіру) және 4х400 эстафеталық сайыста ерлер мен әйелдер құрамасы бас жүлдені жеңіп алса, Ольга Сафронова (60 метр) мен Иван Иванов (ядро лақтыру) күміс медальды мойнына ілді. Ал Аяна Болатбекқызы (1500 метр), Ақбаян Нұрмәмет (800 метр), Мария Ефремова (қарғып секіру), Алина Чистякова (бессайыс), Ефим Тарасов (400 метр) және Максим Фроловский (3000 метр) қолаға қол созды. Нәтижесінде, 4 алтын, 2 күміс және 6 қоланы иеленген жерлестеріміз жалпы командалық есепте үздіктер санатына қосылды.
Былтыр Астанада өткен дәл осы жарыста Қазақстан құрамасы 6 алтын, 6 күміс, 3 қоланы еншілеп, жарыс кестесінде екінші орынға жайғасты. Ол кезде жеңіл атлеттеріміз тек жапондардан (6 алтын+5 күміс+4 қола) ғана қалып қойды.
