АРДАГЕРЛЕРГЕ ҚАМҚОРЛЫҚ ЖАЛҒАСАДЫ

Облыстық жұмыспен қамтуды үйлестіру және әлеуметтік бағ­дар­ламалар басқармасының мәлі­мет­теріне қарағанда, биылғы жылы со­ғысқа қатысқан ардагерлердің үйлерін жөндеп беруге жергілікті бюджеттен 44 миллион 160 мың теңге қаржы бөлініпті. Ардагерлер, сонымен қатар, телефон орнатуға, отын алуға, тіс протездеуге, мер­зімдік басы­лым­дарға тегін жа­зылуға, жеңілдікпен дәрі-дәр­мектер алуға, курорттарға барып ем­делуге қосымша көмектер ала алады. Әлеуметтік бағдарламалар қыз­мет­керлері аға ұрпақ өкілдерін құр­меттеу, сый-сияпат көрсету жыл бойы жалғасын табатынын ай­та­ды. Қараша айында 108 пәтерлі ар­да­герлерге арналған жаңа тұрғын үй пайдалануға беріледі. Облыстың ауыл-қалаларында тұратын 12602 ар­дагер “Жеңіске – 65 жыл” мерекелік медалімен марапатталды. Астана мен Мәскеуде өткен сал­та­нат­ты шерулерге қатысу үшін бар­ған ардагерлерге түгелдей арнайы киімдер тігіліп, олардың бүкіл шы­ғындары толық қамтамасыз етілді. Ардагерлер енді жыл бойы қо­ғам­дық көліктерде тегін жүре алады. Олардың тұрғын үй-ком­му­налдық төлемдері үшін 60 миллион теңге бөлінді. Жалпы, Жеңістің 65 жылдық мерекесі қарсаңында облыс аума­ғын­­да тұратын 1340 со­ғыс ардагері республикалық және жергілікті бюд­жет­тер қаражаты есебінен әрқай­сысы 130 мың тең­ге­ден, ал тың еңбеккерлері 10 мың теңгеден көмек алды. Ер-аза­мат­тары соғыстан оралмаған 54 ша­ңы­рақ­тың әрқай­сысына 90 мың теңгеден бөлінді. Биылғы жылдың наурыз-сәуір айларында облыс бойынша өткен “Қам­қорлық” айлығында да 12201 со­ғыс ардагерінің отбасыларына жалпы құ­ны 92516,6 мың теңгені құ­раған ақ­ша­лай және заттай көмек түрлері көрсетілді. Фарида БЫҚАЙ. Павлодар облысы.