Аймақтар • 15 Сәуір, 2024

Атырауда тасқын суын қабылдайтын орындар дайындалып жатыр

214 рет

көрсетілді

1 мин

оқу үшін

Қазақстанда су тасқыны қаупі әлі де сейілер емес. Елдің 8 өңірінде төтенше жағдай режимі сақталып тұр. Соның ішінде Атырау облысында тасқын суды қабылдау үшін каналдарда бос орындар дайындалып жатыр, деп жазады Egemen.kz.

Дана МЫРЗАҚАДІР

Атырауда тасқын суын қабылдайтын орындар дайындалып жатыр

Фото: видеодан алынған кадр| Су ресурстары және ирригация министрлігі

«Қазсушар» мекемесінің Атырау облыстық филиалына қарасты 4 каналда тасқын суын қабылдау үшін бос орындар дайындалып жатыр. Атап айтқанда, Соколок, Сарыөзек, Бақсай және Нарын каналдарына вегетация маусымына жиналған су Каспий теңізіне жіберілген.

Нәтижесінде Соколок каналы 2 млн текше метр, Сарыөзек каналы 3 млн текше метр, Бақсай каналы 7 млн текше метр және Нарын каналы 4,5 млн текше метр су қабылдауға дайындалды.

«Бұдан бөлек, «Қазсушар» мекемесі Сарыөзек каналының 5 шақырымының түбін тереңдету жұмыстары жүргізілді. Сондай-ақ канал жанынан 50 шақырым су бөгеті салынып жатыр және қорғанысты нығайту мақсатында каналдың жағасы қапшықтармен қосымша 4-5 метрге көтерілді», деп хабарлады Су және ирригация министрлігінің баспасөз қызметі.