Саясат • 19 Сәуір, 2024

Ынтымақтастық бағыттары

22 рет
көрсетілді
1 мин
оқу үшін

Премьер-министр Олжас Бектенов Қазақстандағы Саха Республикасы күндерінің ашылу салтанатына қатысу үшін Астанаға сапармен келген Саха Республикасының (Якутия) басшысы Айсен Николаевпен кездесті.

Ынтымақтастық бағыттары

Саха Республикасы Қазақстан-Ресей сауда қатынастарының дамуына өз үлесін қосып келеді. Өзара сауда-экономикалық ынтымақтастықты одан әрі кеңейту бойынша Қазақстан мен Ресей президенттері деңгейінде қол жеткізілген уағдаластықтарды іске асыру барысы қаралды.

Бір жыл ішінде Қазақстан мен Саха Республикасы өңірлері арасындағы тауар айналымы 2 есеге жуық өсіп, 160 млн доллардан асты. Оның 99%-дан астамы қазақстандық тауарлардың экспортына тиесілі. Талқылау барысында өзара сауданың кең әлеуеті атап өтілді және тараптардың ауыл шаруашылығы, өнеркәсіп және IT салаларындағы қарқынды одан әрі арттыра түсуге дайын екендігі айтылды.

Тараптар жеткізілетін тауарлар мен қызметтердің ауқымын кеңейту, іскер топтар арасында тікелей байланыс орнату бойынша бірлескен жұмысты жандандыру ниетін растады. Қазақстанда бес ірі трансшекаралық сауда орталығының, соның ішінде Ресеймен шекарадағы «Еуразия» транс­ше­каралық сауда орталығының іске қо­сылуы сауда-экономикалық қатынас­тарға жаңа серпін береді деп күтіліп отыр.

Жиында креативті индустрия және цифрландыру саласындағы тәжірибе мен технологиялар алмасуға, сондай-ақ Қазақстан мен Саха Республикасының ғылыми-зерттеу институттары және білім беру мекемелері арасындағы өзара іс-қимылды дамытуға ерекше назар аударылды.

Соңғы жаңалықтар

Болмысы биік тұлға

Тағзым • Кеше

БАҚ пен тіл

Сұхбат • Кеше

Тасқын су толастамай тұр

Аймақтар • Кеше