«Отандық бизнестің барлық өкілдерін осы жауапты сәтте шетте қалмауға және адамдарға көмек қолын созуға шақырамын. Табиғи апаттан зардап шеккен барлық тұрғындар мен өңірлерге барынша қолдау көрсету қажет. Бүгінде бұл бәріміз үшін ортақ міндет», деді Мемлекет басшысы 1 сәуірде өткен республикалық штаб отырысында.
Maqsut Narikbayev University бұл үндеуге белсенді атсалысып, табиғи апаттан зардап шеккендерге қаржылық көмек көрсету мақсатында қайырымдылық қорларына қомақты қаражат бөлді.
Ал MNU студенттері қайырымдылық жәрмеңкесін ұйымдастырып, Еуразия ұлттық университетімен бірлесіп Қостанай және Атырау өңірлеріне гуманитарлық көмек жіберді.
Сондай-ақ университет су тасқынынан зардап шеккен студенттерді оқыту үшін 10 грант бөлуге ниетті екенін хабарлады. Оған қоса грант иегерлеріне қосымша қолдау көрсету мақсатында студентер үйінен кезектен тыс орын бөлу туралы ұсыныс қолдау тапты.
Айта кетейік, су тасқынынан зардап шеккен аймақтарға гуманитарлық көмек жинау жұмыстары одан әрі жалғасады.
