СТУДЕНТТЕР ГРАНТҚА ИЕ БОЛДЫ

Жуырда Л.Н.Гумилев атындағы Еуразия ұлттық уни­­­верситетінің басшылығы оқу маусымының аяқталу кезін­де бір топ студенттерді үлкен қуанышқа бөледі. Яғни, осы оқу орнында әлеуметтік жағдайы төмен отба­сыларынан шыққан, оқу үлгерімі үздік деп танылған студенттерге тегін білім беру гранттары мен арнайы стипендиялар тапсырды. Өз студенттеріне әлеуметтік тұрғыдан қолдау көрсету мақсатында Л.Н.Гумилев атындағы Еуразия ұлттық уни­верситеті көптеген ірі компаниялармен, кәсіпорын­дармен өзара әріптестік орната отырып, үздік оқитын студент­тер­ге арнайы грант бөлу сияқты сауабы мол, өзгелерге үлгі боларлық іс-шараны өткізді. Еліміздің ірі кәсіпорындары мен ұйымдары бөлген тегін білім беру гранттары Еуразия ұлттық универ­­­­­си­тетінде әлеу­меттік жағдайы төмен отбасылардан шыққан, оқу үлгерімі үздік, қоғамдық жұмыстарға белсене араласатын, өз қатарының алды болып жүрген 50 студентке берілді. Сон­дай-ақ 20 студентке Ақтөбе облысының әкімі тағайын­даған білім беру гранттары тапсырылды. Мұндай игі бастамаға Ақтөбе облысының әкімдігі, Еуразия ұлттық университеті мен “Нұр Отан” ХДП қолға алған арнайы жоба аясында жүзеге асып отырған жұмыстар мұрындық болып отыр. Гранттарды табыс ету салтанаты аяқталғаннан кейін студенттерге жолығып, олардың лебіздерін тыңдаған едік. “Мұндай бақытқа кенелгенімізге өте қуаныш­тымыз. Біздің тегін оқуға қол жеткізгенімізді естіп ата-аналарымыз, бауыр-туыстарымыз қуанып отыр. Мұны, әрине, еліміздің бізге сеніп тапсырған үкілі үміті деп қабылдаймыз. Мем­ле­кет тарапынан халыққа, соның ішінде студенттерге ерек­ше жағдайлар жасалынып жа­тыр. Бізге мемлекет өзінің бе­ре­рін берді, ендігі кезек, біз елімізге, мемлекетімізге, хал­қымызға не береміз деген сұрақ төңірегінде ойланып, осы бағытта ерінбей еңбек етіп, ел болашағына өз үлестерімізді қосуымыз шарт. Бұл – адамдық та, азаматтық борышы­мыз” – деді ІІ курс студенті Данара Оспанова. Арай ҮЙРЕНІШБЕКҚЫЗЫ.