Желіде вагонның рельстен шығып кеткені туралы ақпарат тарады.
Жазба авторының жазуынша, теміржолдағы оқиға Ағадыр мен Айса стансаларының арасында болған.
Бұл оқиғаға қатысты Көліктегі полиция департаменті түсінік берді. Олар пойыздың техникалық вагоны рельстен шығып кеткенін растады.
- Қазіргі уақытта Қарағанды-Сортировочная стансасының желілік полиция бөлімі жол қозғалысы немесе теміржол көлігін пайдалану ережелерін бұзу фактілері бойынша сотқа дейінгі тергеуді бастады, - деп жазды көлік полициясы.
