Фото: ҰҚК баспасөз
Ақпан айында «Қазпошта» бөлімшесінде жалпы салмағы 500 грамнан асатын каннабис есірткісі салынған сәлемдемені алған жергілікті тұрғын ұсталды.
Ал сәуір айында Ақтөбе қаласының тұрғынын ұстау операциясы жүргізіліп, одан 2,5 келіден астам «мефедрон» психотроптық заты тәркіленді, бұл шамамен 10 мың бір реттік дозаны құрайды.
«Жедел-іздестіру іс-шаралары барысында күдікті облыс тұрғынын есірткі заттарын сатуға мәжбүрлегені анықталды», деп хабарлады Ұлттық қауіпсіздік комитеті.
Аталған тұрғындар соттың рұқсатымен қамауға алынды, сотқа дейінгі тергеу амалдары жүргізіліп жатыр.
Қырмызы ЖҰМАҒАЛИҚЫЗЫ,
ЕҰУ студенті
