ПЕТРОПАВЛ. 9 қаңтар. Ғ.Мүсірепов атындағы ауданның орталығы – Новоишим ауылында заманауи дене шынықтыру-сауықтыру кешені пайдалануға берілді. Бұл туралы Солтүстік Қазақстан облыстық дене шынықтыру және спорт басқармасының баспасөз қызметі хабарлады.
Нысанды салуға 260 миллион теңге жұмсалып, бас мердігер «Солтүстік Құрылыс» серіктестігі мерзімінде іске қосты.
«Мұнда баскетбол, волейбол, күрес, бокс, жеңіл атлетика секциялары, тренажер залы жұмыс істейтін болады. Көрермендерге арналған 160 орынды трибуна бар», – деді салтанатты ашылу рәсімінде сөйлеген аудан әкімі Владимир Дудов.
Өмір Есқали.
Дерек: Солтүстік Қазақстан облыстық дене шынықтыру және спорт басқармасының баспасөз қызметі.
Сурет: «ҚазАқпарат».
