Фото: БҚО ветеринария басқармасы
Министрдің мәліметінше, қазір өңірлердегі мал шығынын есептейтін комиссия жұмыс істеп жатыр. Комиссия шешімімен құжаты бар қырылған малдың шығыны бюджет есебінен өтеледі.
«Тасқын су аумағынан 138 800 бас мал құтқарылды. Одан бөлек, 9 761 бас мал қырылды, өлекселердің 98%-ы жойылды. Тіркелмеген мал шығындары қордың, демеушілердің есебінен өтеледі. Бүгінде 4 801 бас мал шығыны өтелді, бұл бағыттағы жұмыс жалғасып жатыр», деді Айдар Сапаров.
Сондай-ақ 4 801 бас мал шығынын өтеуге 1 миллиард 198 миллион теңге бөлінген.
