Аудан орталығы – Тереңкөлде жаңа балабақша ашылды. Көптен күткен қуанышты балалар мен ата-аналар үшін «НВС Строитель» серіктестігі сыйға тартты. Құрылысшылар бұрынғы интернат үйін күрделі жөндеуден өткізіп, қайта жаңартты. Балабақшаның ерекшелігі сол, мұнда кішкентайлар 1,5 жастан 3 жасқа дейін қабылданады. Тәрбиешілер бөбекжай деп атайды.
Қазір аудан орталығының 33 тұрғыны үшін жаңа жұмыс орындары ашылды. Яғни балабақшада білімді, білікті тәрбиешілер қызмет ете бастады. Тағы бір қуантарлығы сол, қазақ тілінде тәрбие беретін балабақшаға балаларын жетектеп өзге ұлт өкілдерінің ата-аналары да келді. Осы жерде туып-өскен олар мемлекеттік тіл – қазақ тілі деп саналы түрде түсінеді.
Сөйтіп, 90 баланың 27-сін өзге ұлт өкілдерінің балалары құрап отыр. Мысалы, Слава Рыбалконың шешесі Елена кәсіпкер, Никита Диденконың анасы Валентина болса біздің әріптесіміз, аудандық «Заря» газетінің редакторы, Ксения Бурошкина мен Богдан Ефименконың аналары Наталья мен Татьяна аудандық ауруханада медбикелер, Елизавета Кулистің анасы Наталья аудандық пошта бөлімінде, Кириил Дударевтің анасы Оксана кәсіпкерлік саласында жұмыс істейді екен.
– Бұл – ата-аналардың отбасылық шешімдері. Мұны кішкентай балаларымыздың әке-шешелерінің өздері тұрып жатқан туған Отандарына, ауылдарына деген құрметі деп түсінеміз. Еліміздің болашағы – қазақ тілінде, балаларымызды балабақшадан бастап қазақстандық патриотизм рухында тәрбиелейтін боламыз. Елбасының саясатын қолдайтын тату тірлікте өмір сүріп жатқан біздің ауданымыздағы өзге ұлт өкілдерінің бір ел, бір тағдыр дейтін ниет-пейілдері ұзағынан болсын, – дейді «Талбесіктің» меңгерушісі Гүлбаршын Бақытқызы.
Кішкентайлар енді «Келешек» бағдарламасы арқылы тәрбиеленеді. Аудан орталығында «Талбесіктен» басқа, «Ақбота», «Балдәурен» балабақшалары да бар. Еліміз тәуелсіздігін алған жылдардан бері аудан орталығының атауы өзгеріп, Тереңкөл аталды, жаңа заманға сай салынған қазақ мектебі бой көтерді.
Фарида БЫҚАЙ,
«Егемен Қазақстан».
Павлодар облысы,
Қашыр ауданы.
Аудан орталығы – Тереңкөлде жаңа балабақша ашылды. Көптен күткен қуанышты балалар мен ата-аналар үшін «НВС Строитель» серіктестігі сыйға тартты. Құрылысшылар бұрынғы интернат үйін күрделі жөндеуден өткізіп, қайта жаңартты. Балабақшаның ерекшелігі сол, мұнда кішкентайлар 1,5 жастан 3 жасқа дейін қабылданады. Тәрбиешілер бөбекжай деп атайды.
Қазір аудан орталығының 33 тұрғыны үшін жаңа жұмыс орындары ашылды. Яғни балабақшада білімді, білікті тәрбиешілер қызмет ете бастады. Тағы бір қуантарлығы сол, қазақ тілінде тәрбие беретін балабақшаға балаларын жетектеп өзге ұлт өкілдерінің ата-аналары да келді. Осы жерде туып-өскен олар мемлекеттік тіл – қазақ тілі деп саналы түрде түсінеді.
Сөйтіп, 90 баланың 27-сін өзге ұлт өкілдерінің балалары құрап отыр. Мысалы, Слава Рыбалконың шешесі Елена кәсіпкер, Никита Диденконың анасы Валентина болса біздің әріптесіміз, аудандық «Заря» газетінің редакторы, Ксения Бурошкина мен Богдан Ефименконың аналары Наталья мен Татьяна аудандық ауруханада медбикелер, Елизавета Кулистің анасы Наталья аудандық пошта бөлімінде, Кириил Дударевтің анасы Оксана кәсіпкерлік саласында жұмыс істейді екен.
– Бұл – ата-аналардың отбасылық шешімдері. Мұны кішкентай балаларымыздың әке-шешелерінің өздері тұрып жатқан туған Отандарына, ауылдарына деген құрметі деп түсінеміз. Еліміздің болашағы – қазақ тілінде, балаларымызды балабақшадан бастап қазақстандық патриотизм рухында тәрбиелейтін боламыз. Елбасының саясатын қолдайтын тату тірлікте өмір сүріп жатқан біздің ауданымыздағы өзге ұлт өкілдерінің бір ел, бір тағдыр дейтін ниет-пейілдері ұзағынан болсын, – дейді «Талбесіктің» меңгерушісі Гүлбаршын Бақытқызы.
Кішкентайлар енді «Келешек» бағдарламасы арқылы тәрбиеленеді. Аудан орталығында «Талбесіктен» басқа, «Ақбота», «Балдәурен» балабақшалары да бар. Еліміз тәуелсіздігін алған жылдардан бері аудан орталығының атауы өзгеріп, Тереңкөл аталды, жаңа заманға сай салынған қазақ мектебі бой көтерді.
Фарида БЫҚАЙ,
«Егемен Қазақстан».
Павлодар облысы,
Қашыр ауданы.
Соңғы жаңалықтар
Нұрсұлтан Назарбаев Владимир Путинмен кездесті
Саясат • Бүгін, 11:50
Доллардың бүгінгі бағамы белгілі болды
Қаржы • Бүгін, 11:18
Президент 2024-2026 жылдарға арналған бюджетке түзету енгізді
Президент • Бүгін, 10:45
Түркістан облысында 10 жыл бойы іздеуде жүрген күдікті ұсталды
Қылмыс • Бүгін, 09:23
Бурабайдағы Мультимедиалық интерактивті кешенге келушілер көп
Аймақтар • Бүгін, 01:26
