Фото:caravan.kz
Жол саласындағы кадр тапшылығы мәселесін шешу үшін биыл білікті жолшыларды даярлауға 1000-ға жуық мемлекеттік білім гранты бөлінеді.
Сонымен қатар «ҚазжолҒЗИ» АҚ өткен жылы жол саласы мамандарының «Жолшы» цифрлық банкін құрды. Мәліметтер базасында осы саланың барлық мамандары – ЖОО түлектерінен бастап, құрылыс, жобалау және жолдарды пайдалану саласында еңбек ететін ардагерлеріне дейін ақпарат бар. Цифрлық банк мамандардың біліктілігі, жұмыс тәжірибесі, біліктілікті арттыру курстарынан өткені туралы сертификаттардың болуы туралы ақпаратты көрсетеді. Бұл ретте жұмыс берушілер қажетті кадрларды таңдау мүмкіндігіне ие болады.
Бүгінгі таңда мәліметтер базасын толықтыру және басқа мемлекеттік жүйелермен интеграциялау жұмыстары жүргізіліп отыр. База жақын арада пайдалануға беріледі.
Қырмызы ЖҰМАҒАЛИҚЫЗЫ,
ЕҰУ студенті
