Фото: Қазақстан бокс федерациясының телеграмм арнасынан
Аман Қонысбеков Өзбекстанның Новоий облысында дүниеге келіп, 2024 жылға дейін сол елдің чемпионатында өнер көрсетті.
«Елорда кубогі ІІІ» турнирі ол үшін Қазақстан туы астында жұдырықтасқан алғашқы ресми жарысы болды.
Аман Қонысбектің жолы жартылай финалда ақпан айынан бері жеңілмеген, Өзбекстан чемпионы Хавасбек Асадуллаевпен тоғысты.
24 жасар өзбек боксшысы бірінші, үшінші раундтарды өз пайдасына шешіп Аман Қонысбековтен басым түсті.
Осылайша, отандасымыз Аман Қонысбеков «Елорда кубогі ІІІ» халықаралық турнирінің қола жүлдесін қанағат тұтуға мәжбүр болды.
Еске салайық, ел боксшысы алғашқы дебютінде қырғыз қарсыласын бір раундта екі рет нокдаунға жіберіп, жарқын жұдырықтасқан еді.
