Америкалық зейнеткер лотореядан 326 млн. доллар ұтып алды

АСТАНА. 14 қаңтар. Нью-Йорктың 80 жастағы тұрғыны Гарольд Даймонд америкалық Mega Millions лотореясының 326 млн. доллар көлеміндегі джекпотын ұтып алды. Бұл туралы lenta.ru хабарлады. Г.Даймонд кезінде бастауыш мектепте мұғалім болып қызмет еткен. Ол жұбайы екеуінің ұтыстарына сене алмай лоторея билетінің нөмірлерін қайта-қайта тексере бергендерін айтады. Зейнеткер сондай-ақ билетті лоторея болардан бір күн бұрын кездейсоқ сатып алып, оны ұмытып та кеткенін жеткізді. «Ертеңіне мен гольф ойнауға бардым. Сол жердегі адамдардың джекпот шыққан билет 302-тас жолында Валеро ауданында сатылыпты деген әңгімелерін құлағым шалды. Сонда өзімнің де билетті сол жерден алғаным есіме түсті», – дейді джекпот иегері. Г.Даймонд ұтқан ақшасына жұбайымен бірге Гавайи аралдарына барып, отау тіккендеріне 55 жыл толғанын тойлап қайтуды жоспарлап отыр. Айдар Өрісбаев. Дерек: lenta.ru. Сурет: megamillions.com.