Италия президенті отставкаға кету туралы өтініш білдірді

АСТАНА. 14 қаңтар. Италия президенті Джорджо Наполитано сәрсенбі күні отставкаға кету туралы өтініш білдірді. Бұл туралы ТАСС хабарлады. Отставкаға кету туралы хаттың үш нұсқасы министрлер кеңесі мен ұлттық парламенттің екі палатасына жіберілді. 89 жастағы мемлекет басшысы екінші 7 жылдық мерзімге 2013 жылдың сәуірінде сайланған болатын. Алайда, ол бастапқыдан-ақ мерзімінен бұрын қызметінен кететінін жасырмаған еді. Д.Наполитано қызметінің аяқталуын Еуроодақтағы Италияның жарты жылдық өкілдігінің аяқталуымен байланыстырды. Конституцияға сәйкес, президенттік міндет уақытша сенат төрағасы Пьетро Грассоға өтеді. БАҚ өкілдері президенттікке үміткерлер ретінде Римнің бұрынғы мэрі Вальтера Вельтрони, Турин мэрі, бұрынғы әділет министрі Пьеро Фассино, Конституциялық соттың судьясы Серджо Маттарелла, Сыртқы істер министрі Паоло Джентилони және сенатор Анна Финоккьяроны атап отыр. Айдар Өрісбаев. Дерек: itar-tass.com. Сурет: giomalettisimo.com.