Аймақтар • 27 Мамыр, 2024

Сарыөзек бойындағы шаруа қожалықтары қауіпсіз жерге көшіріледі

85 рет
көрсетілді
1 мин
оқу үшін

Сарыөзек арнасының Бестал ауылына тасқын қаупі төнді. Қазір мал шаруашылығы және егістікпен айналысатын тұрғындарды қауіпсіз аймаққа көшіру туралы хабарлама жұмыстары жүріп жатыр. Бұл туралы 107 учаскеге жауапты маман Қадыржан Сиюмов мәлім етті, деп хабарлайды Egemen.kz Атырау облысының ТЖ жөніндегі жедел штабына сілтеме жасап.

Сарыөзек бойындағы шаруа қожалықтары қауіпсіз жерге көшіріледі

Фото: видеодан алынған кадр

Қадыржан Сиюмовтың айтуынша, Сарыөзек арнасының Еркінқала аумағында 30 шаруа қожалығы орналасқан. Соның ішінде, Бестал ауылы бойында 15 шаруа қожалығы тіркелген. Оның алтауы Төтенше жағдай жарияланғалы бері, қауіпсіз аймаққа малын көшіріп әкетіпті. Ал қалған 9-ына бүгін түсіндірме жұмыстары жүргізілген.

«Тұрғындарға шаруагерлер жайлаудан көшіп, малын қауіпсіз орынға айдау туралы түсіндірме жұмыстарын жүргіздік. Келген нөпір су Сарыөзек арнасы арқылы Каспий теңізіне кедергісіз өту үшін сумен бірге ағып келген қоқыстарды дер кезінде тазалап жатырмыз», деді Қ.Сиюмов.