Фото: Астана әкімдігі
Марлен Көшербай - №52 мектеп-гимназиясының 11 «А» сынып оқушысы.
12 мамыр күні сағат 11 шамасында Марленді қарындасы оятып, өзенге бір баланың батып бара жатқанын жеткізген. Марлен бірден үйдің жанындағы өзенге қарай жүгіріп, суға батып бара жатқан бүлдіршінді аман-есен шығарып алды.
Бейбіт заманның батыры өз сөзінде кішкентай баланың өлім мен өмірдің ортасында тұрғанын көргенде, ойланбастан көмекке ұмтылғанын айтты.
Бүгін Марлен көрсеткен ерлігі мен батылдығы үшін Астана қаласы білім басқармасы мен Ақмола облысының ТЖ департаментінің атынан марапатталды.
