Елорда • 31 Мамыр, 2024

Астанада бірнеше көше жөндеу жұмыстарына байланысты жабылды

30 рет
көрсетілді
1 мин
оқу үшін

31 мамырдан бастап Астана қаласының бірнеше көшесі жөндеу жұмыстарына байланысты жабылды, деп хабарлайды Egemen.kz Астана әкімдігінің ресми сайтына сілтеме жасап.

Астанада бірнеше көше жөндеу жұмыстарына байланысты жабылды

Фото:elements.envato.com

Әкімдік кейбір көшелер толығымен жабылғанын хабарлады:

  • Ж. Ташенов көшесінің қиылысы бойынша Ж. Ташенов көшесінен А. Бараев көшесіне дейінгі учаскеде;
  • Е. Брусиловский көшесі бойынша Кенесары көшесінен А. Иманов көшесіне дейінгі учаскеде;
  • Қабанбай батыр даңғылы бойынша Сығанақ көшесінен Алматы көшесіне дейін (осыған байланыста Қабанбай батыр-Сығанақ көшесі және Қабанбай батыр-Алматы көшесі ашық).

Тұрғын алаптардағы жабық көшелер:

  • Өндіріс көшесі бойынша Бектау көшесінен Ақбидай көшесіне дейінгі учаскеде;
  • Ш. Бөкеев көшесі бойынша Р. Дүйсенбаев көшесінен тұйыққа дейінгі учаскеде;
  • Титов көшесі бойынша Алмалық көшесінен Ардагерлер көшесіне дейін;
  • Сұлукөл көшесі бойынша Еңлік Кебек көшесінен Ардагерлер көшесіне дейін;
  • Абат-Байтақ көшесі бойынша Қ. Байсейітовадан Ш. Бейсекова көшесіне дейін.

Ішінара жабылған көшелер:

  • Тәуелсіздік даңғылы – Р. Қошқарбаев көшесінен Ж. Нәжімеденов көшесіне дейін (бұл ретте автокөлік құралдары үшін қозғалыс екі бағыттың бір жағы бойынша қамтамасыз етілген – 1 маусымда қозғалыс төменгі қабатта қамтамасыз етілетін болады).
  • Бөгенбай батыр даңғылы мен Ш. Уәлиханов көшесінің қиылысы (бұл ретте қиылыстағы қозғалыс екі бағытта да тараптардың бірі бойынша жүзеге асырылатын болады).

 

Қырмызы ЖҰМАҒАЛИҚЫЗЫ,

ЕҰУ студенті