Фото: azattyq-ruhy.kz
Хабарламада мұндай ыстық 60 жылда бір қайталанатыны айтылып, аптапқа дайын болу ұсынылған.
Алайда синоптиктер бұл ақпаратты теріске шығарды.
«Маусымдық болжам қысқа мерзімді болжамдармен нақтыланып отырады. «Қазгидромет» бір тәулікке, 3 күнге және бір аптаға болжам жасайды. Айлық болжамдардың тек 70 пайызы тура келіп жатады. Қазақстанда Түркістан облысы жазық далалық аймаққа жатады. Бұл өңірде жазда ауа температурасы 40 градусқа дейін көтерілуі - қалыпты жағдай. Әлемнің бірде-бір елінде синоптиктер тұтас бір маусымға болжам жасамайды. Олар жорамалдап айтады. Дамыған елдерде болжам бір күнге, 3 күнге және бір аптаға жасалады. Есесіне, апталық болжамдар да нақтыланады. Болжам ұзақ мерзімге жасалса, ол нақты жағдайға сәйкес болмайды. Интернетте жарияланған ақпаратқа емес, тек ресми дереккөздерге сеніңіз. Алдағы жазға арналған консультативтік болжаммен біздің ресми порталымызда таныса аласыздар», делінген «Қазгидромет» РМК баспасөз қызметінің хабарламасында.
