20 күнде 1684 автокөлік

Сот орындаушыла­ры Ақ­мо­ла облыс­тық ішкі істер департа­­ментінің әкімші­лік полиция қызмет­кер­лерімен бірлесіп, осынша көлікті айып­пұл алаңына тоғытты. Құ­қық қорғаушылар мұндай ­нә­ти­жеге «Бо­рышкер» арнайы опера­циясы­ның нәти­жесінде қол жет­кізді. Соңғы 20 күн бойы әкім­шілік полицияның жол-патрульдік по­лициясы мен облыстағы сот үкімдерін орын­даушы қызмет­керлер кү­шейтілген режімде жұ­мыс атқаруда. Осының нәти­же­сінде автокөлік жүргізу­ші­лердің көпшілігі әкімшілік айыппұлдан жалтаруға бейім тұратыны анықталды. Облыстық әділет департа­ментінің баспасөз қызметі шара басталғалы 1684 автокөлік айып алаңына қойылып, көлік жүргізушілерінен 118 миллион теңге айыппұл мемлекеттің бюджетіне төленгенін хабарлады. Бақберген АМАЛБЕК, «Егемен Қазақстан». Ақмола облысы.