Шарайна
Германия канцлері Ангела Меркель үстіміздегі жылдың 7-8 маусымында Баварияда өтуі жоспарланған G7 саммитіне Ресей президенті Владимир Путин қатысатынына күмәнмен қарайды. Бұл туралы ол немістің белгілі журналына берген сұхбатында мәлімдеді.
«Үлкен жетілік» әрқашан өзін құндылықтар қоғамдастығы деп санайды. Қырымның аннексиясы халықаралық құқық қағидаттарын өрескел бұзудың айғағы болып табылады, деді өзінің сұхбатында А.Меркель. ГФР үкіметінің басшысы, сондай-ақ, Ресейге қарсы сауда шектеулері алып тасталғанын қаламайтынын білдірді. Оның сөзіне қарағанда, санкциялар өзіндік бір мақсат емес, бірақ дәл қазіргі кезде оны алып тастауға негіз жоқ. Бүгінгі жағдайды есепке ала келгенде, санкциялар күшінде қалады.
Қарабақ бітімгершілікті қаламай ма?
Танылмаған Таулы Қарабақ республикасының (ТҚР) қорғаныс министрлігіндегілер Әзербайжанмен шекаралас аудандарда қару дауысы естілгенін жария етті. Әзербайжанның қарулы күштері қаңтардың 15-інен 16-сына қараған түні бітімгершілік режімін шамамен 200 мәрте бұзды, дейді министрліктегілер.
Аталған танылмаған республика қорғаныс министрлігінің баспасөз қызметі ТҚР қорғаныс армиясы жағына шамамен 200-ден астам оқ атылғанын атап көрсетті. Әзербайжанның қорғаныс министрлігі өз кезегінде бітімгершілік режімін бұзды деп армян жағын айыптады. Ведомствоның хабарламасында өткен тәулікте армян әскерлері әзербайжан шептерін шамамен 50 рет атқаны көлденең тартылады.
Ресейді алып держава деп таниды
Танзанияның сыртқы істер министрі Бернард Камиллиус Мембе Ресей астанасы – Мәскеуде ресми сапармен болды. Ол осы сапары кезінде Ресейді алып держава (сверхдержава) деп атады. Бұл мәлімдемесін Танзанияның бас дипломаты Ресей сыртқы істер министрі Сергей Лавровпен келіссөз кезінде жасады.
«Әрине, Ресей – алып держава. Біз Ресей атқаруға тиісті тарихи рөлді ешқашан есімізден шығармаймыз», деп атап көрсеткен Мембе. Африка құрлығында орналасқан мемлекет сыртқы саясат ведомствосының басшысы, сондай-ақ, өзінде Ресей президенті Владимир Путинге арналған жолдау бар екенін хабарлаған. Бірақ құжаттың не туралы екенін ашып айтпаған. Лавров өз кезегінде Танзанияның өңірлік жанжалдарды реттеуде атқаруы тиіс рөлін жоғары бағалаған.
Пентагон «Ислам мемлекеті» (ИМ) қарулы жасағына қарсы тұрып келе жатқан сириялық көтерілісшілерді жаттықтыру үшін 400-ден астам америкалық әскериді сол елге жіберуді жоспарлап отыр. Бұл туралы Пентагонның баспасөз хатшысы Стив Уорренге сілтеме жасай отырып, «Рейтер» агенттігі хабарлады.
Бұл жерде әңгіме қазіргі кезде президент Башар Асадтың режімімен және ИМ экстремистерімен күрес жүргізіп жатқан Сирия оппозициясының жасақтары туралы болып отыр. Оппозиция Сирия азат ету армиясының жауынгерлерінен, сондай-ақ, ұсақ әскери топтардан жасақталған. Ал америкалықтардың нақты кімдерді жаттықтыратыны туралы ештеңе айтылмайды. Пентагонның жоспарынша, бір жылда 5 мың сириялық көтерілісші жаттықтырылмақ.
Қару алып жүруге рұқсат сұрайды
Еуропалық одақтағы аса ірі еврей федерациясы еуропалық заң шығарушыларды өздерін қорғау үшін қару алып жүруге рұқсат беруге шақырды. Еуроодақ елдері ішкі істер министрлеріне жолданған хатқа раввин Менахем Марголин қол қойыпты.
Марголин Еуропа еврейлері қауымдастығының басшысы болып табылады. Ал хатта былай делініпті: «Париждегі оқиғалар, сондай-ақ, соңғы жылдары Еуропадағы еврей қоғамы атына келіп түсіп жатқан көптеген қорқытып-үркітулер сөзден нақты іске көшу қажет екенін айғақтап беріп отыр». Хатта еврей қоғамына жеке қарулы күзет құруға рұқсат берілуі сұралады. Оның үстіне, еврейлерді еуропалық күш құрылымдарының өкілдері оқып-үйретуі керек екен.
Ғарышқа ұша алмайтын болып отыр
Үстіміздегі жылдың күзінде ғарыштық турист ретінде Халықаралық ғарыш стансасына аттануды жоспарлаған британиялық әнші Сара Брайтманның бұл ойы анасының сырқаттанып қалуына байланысты кейінге шегерілді.
Әншінің ғарышқа сапарына орай жаттығулары жақын арада басталуы тиіс болатын. Енді ол отбасылық жағдайына байланысты қайтадан Ұлыбританияға ұшып кеткен. Бірақ жақын арада Мәскеуге қайта оралуға уәде беріпті. Бұл туралы «Роскосмостың» ұшу бағдарламаларының жетекшісі Алексей Краснов хабарлады. Сөйтіп, 19 қаңтарға белгіленген жаттығулар белгісіз уақытқа кейінге шегеріліп отыр. Ал Брайтман ғарышқа аттанған жағдайда 52 миллион доллар төлейтін болады. Әнші 8-ші ғарыштық турист атануы ықтимал.
Интернет материалдары негізінде әзірленді.
Германия канцлері Ангела Меркель үстіміздегі жылдың 7-8 маусымында Баварияда өтуі жоспарланған G7 саммитіне Ресей президенті Владимир Путин қатысатынына күмәнмен қарайды. Бұл туралы ол немістің белгілі журналына берген сұхбатында мәлімдеді.
«Үлкен жетілік» әрқашан өзін құндылықтар қоғамдастығы деп санайды. Қырымның аннексиясы халықаралық құқық қағидаттарын өрескел бұзудың айғағы болып табылады, деді өзінің сұхбатында А.Меркель. ГФР үкіметінің басшысы, сондай-ақ, Ресейге қарсы сауда шектеулері алып тасталғанын қаламайтынын білдірді. Оның сөзіне қарағанда, санкциялар өзіндік бір мақсат емес, бірақ дәл қазіргі кезде оны алып тастауға негіз жоқ. Бүгінгі жағдайды есепке ала келгенде, санкциялар күшінде қалады.
Қарабақ бітімгершілікті қаламай ма?
Танылмаған Таулы Қарабақ республикасының (ТҚР) қорғаныс министрлігіндегілер Әзербайжанмен шекаралас аудандарда қару дауысы естілгенін жария етті. Әзербайжанның қарулы күштері қаңтардың 15-інен 16-сына қараған түні бітімгершілік режімін шамамен 200 мәрте бұзды, дейді министрліктегілер.
Аталған танылмаған республика қорғаныс министрлігінің баспасөз қызметі ТҚР қорғаныс армиясы жағына шамамен 200-ден астам оқ атылғанын атап көрсетті. Әзербайжанның қорғаныс министрлігі өз кезегінде бітімгершілік режімін бұзды деп армян жағын айыптады. Ведомствоның хабарламасында өткен тәулікте армян әскерлері әзербайжан шептерін шамамен 50 рет атқаны көлденең тартылады.
Ресейді алып держава деп таниды
Танзанияның сыртқы істер министрі Бернард Камиллиус Мембе Ресей астанасы – Мәскеуде ресми сапармен болды. Ол осы сапары кезінде Ресейді алып держава (сверхдержава) деп атады. Бұл мәлімдемесін Танзанияның бас дипломаты Ресей сыртқы істер министрі Сергей Лавровпен келіссөз кезінде жасады.
«Әрине, Ресей – алып держава. Біз Ресей атқаруға тиісті тарихи рөлді ешқашан есімізден шығармаймыз», деп атап көрсеткен Мембе. Африка құрлығында орналасқан мемлекет сыртқы саясат ведомствосының басшысы, сондай-ақ, өзінде Ресей президенті Владимир Путинге арналған жолдау бар екенін хабарлаған. Бірақ құжаттың не туралы екенін ашып айтпаған. Лавров өз кезегінде Танзанияның өңірлік жанжалдарды реттеуде атқаруы тиіс рөлін жоғары бағалаған.
Қысқа қайырып айтқанда:
*Ресейдің Иркутск облысының Ангарск қаласындағы автобус аялдамасында болған жарылыстың қуаты 1 килограмм тротилге тең екен. Жарылыс салдарынан бір әйел адам жеңіл жараланса, бір ер адам оң аяғынан айрылған. Лаңкестікті кім жасағаны әлі анықталмай отыр. *Қытайдың Гуанси-Чжуан автономиялы ауданының Нинмин уезіндегі супермаркет жанында газ жарылды. Оқиға салдарынан 6 адам қаза тапса, 19-ы жараланған. Жарақат алған екеудің жағдайы нашар көрінеді. Оқиға орнында тергеу-тексеру жұмыстары жалғастырылуда. *Ресей Федерациясының 7 субъектісінің басшылығы алкогольді ішімдік сатып алуға рұқсат етілетін азаматтардың жасы кем дегенде 21-де болуы қажет деген ұстанымға қолдау білдірді. Былтырғы жылдың қазанында жүргізілген сауалдамаға сәйкес, мұндай бастаманы ресейліктердің 79 пайызы қолдайтыны анықталған. Сирияға 400 әскери аттандырадыПентагон «Ислам мемлекеті» (ИМ) қарулы жасағына қарсы тұрып келе жатқан сириялық көтерілісшілерді жаттықтыру үшін 400-ден астам америкалық әскериді сол елге жіберуді жоспарлап отыр. Бұл туралы Пентагонның баспасөз хатшысы Стив Уорренге сілтеме жасай отырып, «Рейтер» агенттігі хабарлады.
Бұл жерде әңгіме қазіргі кезде президент Башар Асадтың режімімен және ИМ экстремистерімен күрес жүргізіп жатқан Сирия оппозициясының жасақтары туралы болып отыр. Оппозиция Сирия азат ету армиясының жауынгерлерінен, сондай-ақ, ұсақ әскери топтардан жасақталған. Ал америкалықтардың нақты кімдерді жаттықтыратыны туралы ештеңе айтылмайды. Пентагонның жоспарынша, бір жылда 5 мың сириялық көтерілісші жаттықтырылмақ.
Қару алып жүруге рұқсат сұрайды
Еуропалық одақтағы аса ірі еврей федерациясы еуропалық заң шығарушыларды өздерін қорғау үшін қару алып жүруге рұқсат беруге шақырды. Еуроодақ елдері ішкі істер министрлеріне жолданған хатқа раввин Менахем Марголин қол қойыпты.
Марголин Еуропа еврейлері қауымдастығының басшысы болып табылады. Ал хатта былай делініпті: «Париждегі оқиғалар, сондай-ақ, соңғы жылдары Еуропадағы еврей қоғамы атына келіп түсіп жатқан көптеген қорқытып-үркітулер сөзден нақты іске көшу қажет екенін айғақтап беріп отыр». Хатта еврей қоғамына жеке қарулы күзет құруға рұқсат берілуі сұралады. Оның үстіне, еврейлерді еуропалық күш құрылымдарының өкілдері оқып-үйретуі керек екен.
Ғарышқа ұша алмайтын болып отыр
Үстіміздегі жылдың күзінде ғарыштық турист ретінде Халықаралық ғарыш стансасына аттануды жоспарлаған британиялық әнші Сара Брайтманның бұл ойы анасының сырқаттанып қалуына байланысты кейінге шегерілді.
Әншінің ғарышқа сапарына орай жаттығулары жақын арада басталуы тиіс болатын. Енді ол отбасылық жағдайына байланысты қайтадан Ұлыбританияға ұшып кеткен. Бірақ жақын арада Мәскеуге қайта оралуға уәде беріпті. Бұл туралы «Роскосмостың» ұшу бағдарламаларының жетекшісі Алексей Краснов хабарлады. Сөйтіп, 19 қаңтарға белгіленген жаттығулар белгісіз уақытқа кейінге шегеріліп отыр. Ал Брайтман ғарышқа аттанған жағдайда 52 миллион доллар төлейтін болады. Әнші 8-ші ғарыштық турист атануы ықтимал.
Интернет материалдары негізінде әзірленді.
