Қоғам • 26 Маусым, 2024

ТМД сыйлығының жеңімпаздары марапатталды

80 рет
көрсетілді
3 мин
оқу үшін

2024 жылғы 20 маусымда Беларусь Республикасы Минск қаласында  стандарттау, метрология және сертификаттау жөніндегі мемлекетаралық кеңестің 65-отырысы аясында өнім және қызмет көрсету сапасы саласындағы жетістіктері үшін 2023 жылғы ТМД сыйлығы байқауының жеңімпаздарын марапаттау рәсімі өтті, деп хабарлайды Egemen.kz  Атамкен ҰҚП баспасөз қызметіне сілтеме жасап.

ТМД сыйлығының жеңімпаздары марапатталды

Фото:Атамкен ҰҚП баспасөз қызметі

Марапаттау рәсімін Беларусь Республикасының Стандарттау жөніндегі мемлекеттік комитеті мен стандарттар бюросы ұйымдастырды.

 «ТМД сыйлығы жоғары сапалы және бәсекеге қабілетті өнім өндіруді ынталандыруға, тауар өндірушілердің экспорттық мүмкіндіктерін арттыруға, ТМД-ның сапалы өнім өндірілетін аумақ ретіндегі беделін арттыруға бағытталған», деді ТМД Бас хатшысының бірінші орынбасары.

Марапаттау рәсіміне Армения, Беларусь, Қазақстан, Қырғызстан, Ресей және Тәжікстаннан келген конкурстың лауреат-кәсіпорындары мен дипломант-кәсіпорындарының өкілдері қатысты. Сонымен қатар Әзербайжан, Беларусь, Қазақстан, Қырғызстан, Ресей, Тәжікстан және Өзбекстанның стандарттау, метрология, сәйкестікті бағалау және аккредиттеу жөніндегі ұлттық орган өкілдері, ЕЭК пен РӨКО Техникалық реттеу комитетінің өкілдері және Стандарттар бюросының қызметкерлері болды.

Беларусь Премьер-министрінің орынбасары Петр Пархомчик пен ТМД Бас хатшысының бірінші орынбасары Леонид Анфимов ұсынылатын өнімдер мен қызметтердің сапасы мен бәсекеге қабілеттілігі, инновациялық технологиялар мен басқарудың заманауи әдістерін енгізу саласындағы елеулі нәтижелерге қол жеткізгені үшін лайықты марапаттарды табыстады.

Қазақстан, Армения, Беларусь, Тәжікстан және Ресейден келген 11 кәсіпорын конкурс жеңімпаздары атанды. Сондай-ақ Қазақстан, Беларусь, Қырғызстан, Тәжікстан және Ресейден келген 11 кәсіпорын дипломант атанды.

ТМД сыйлығының Қазақстандық лауреаттары:

  • «250-ден 1500 адамға дейін жұмыс күші бар өнеркәсіп өнімдерін өндіру» номинациясы бойынша «Maker (Мэйкер)» Жауапкершілігі шектеулі серіктестігі;
  • «Қызметкерлерінің саны 250-ге дейін болатын халық тұтынатын тауарларды өндіру» номинациясы бойынша «ПО Глобал-Спеццодежда» Жауапкершілігі шектеулі серіктестігі.

Сапа дипломы келесілерге берілді:

  • «Қызметкерлерінің саны 250-ге дейін болатын өнеркәсіп өнімдерін өндіру» номинациясы бойынша «Столичная Стеклопакетная Компания» жауапкершілігі шектеулі серіктестігі;
  • «250-ден 1500 адамға дейін жұмыс күші бар халық тұтынатын тауарларды өндіру» номинациясы бойынша «Dolce» Жауапкершілігі шектеулі серіктестігі.

Айта кетерлігі, сапа идеологиясын насихаттауда Қазақстан Президентінің «Алтын сапа» сыйлығы ерекше рөл атқарады. 2009 жылы ол Еуропалық сапа сыйлығының үлгісімен үйлестірілді.

Жүлдеге Қазақстанның аумағында тауар өндірумен және қызмет көрсетумен айналысатын жеке кәсіпкерлер мен заңды тұлғалар өтініш бере алады.

Қазақстан Президентінің сыйлығы төрт номинация және екі арнайы сыйлық бойынша беріледі:

- «Өндістік мақсаттағы үздік кәсіпорын»;

- «Халық тұтынатын тауарлар шығаратын үздік кәсіпорын»;

- «Қызмет көрсететін үздік кәсіпорын»;

- «Азық-түлік және/немесе ауыл шаруашылығы өнімдерін өндіретін үздік кәсіпорын»;

- «Үздік индустриялық жоба»;

- «Үздік инновациялық жоба».

«Алтын сапа» байқауында жалпы 122 отандық компания марапатталды.

Бүгінде сапа – ТМД елдерінің экономикалық саясатында маңызды басымдыққа ие. Қызметтің барлық кезеңінде сапаға мән берген компаниялар ғана табысты бола алады. Сапа саласындағы бәсекелестік экономиканың барлық сегментін экологиялық таза, қауіпсіз әрі ресурстарды үнемдейтін өнімдер шығару мен қызметтерді көрсетуге бағытталған.