Әлем • 27 Маусым, 2024

Президенттің туыстары мемлекеттік тікұшақпен ұшып жүрген

474 рет
көрсетілді
1 мин
оқу үшін

Қырғызстан президенті Садыр Жапаровтың қарындасы Ләззат Нұрқожаеваға сүйіктісі үйленуге сөз салған. Жастар Оруу-Сай шатқалына ТЖМ-нің тікұшағымен ұшып барған. Әлеуметтік желіде тараған бұл жағдайды сынға алғандардың қарасы көп. Садыр Жапаров бұл жайтқа қатысты түсініктеме беріп, халықтан кешірім сұрады, деп хабарлайды Egemen.kz.

Президенттің туыстары мемлекеттік тікұшақпен ұшып жүрген

Фото: Kaktus__Media / YouTube

«Кабар» агенттігі Садыр Жапаровпен сұхбаттасып, туыстарының іс-әрекеті қоғамда пікірталас тудырғанына тоқталды.

Халықтың қарасы әлеуметтік желіде: «Ел басшыларының туыстары басқаларға үлгі болу керек емес пе? Қарапайым халықтың тікұшақ жалдайтын мүмкіндігі жоқ. ТЖМ-ға осы үшін тікұшақ алдырды ма? Президенттің өзі ысырап жасамайық деген еді ғой», деген пікір қалдырған.

Жапаров болашақ күйеу баласының бұл қылығын құптамайтынын айтты. Сондай-ақ Қырғыстан Президенті ТЖМ-ға жаңадан сатып алынған тікұшақтар өзінің құнын ақтау үшін коммерциялық мақсатта пайдалануға рұқсат етілгенін атап өтті.

«Бұрын мен басқаларды сынайтын едім, енді өзімнің алдымнан шықты. Қарындасым үшін халықтан кешірім сұраймын. Әлі жас, бірақ қоғамның сынын көріп отыр. Бұл оқиғадан сабақ алады деп ойлаймын», деді Жапаров.