Фото: Telegram/modgovkz
Ресми хабарлама Қорғаныс министрлігінің Telegram-арнасында жарияланды.
«2024 жылғы 3-4 шілдеде Шанхай ынтымақтастық ұйымы саммитін өткізу кезінде Астана қаласында елорданың әуе кеңістігін күзету күшейтіледі. Осыған байланысты 28 маусым мен 1 шілде аралығында Қарулы күштер авиациясының ұшу қауіпсіздігі ережелеріне сәйкес жаттығу ұшулары өткізіледі. Астана тұрғындары мен қонақтарынан өткізілетін іс-шараларға түсіністікпен қарауды сұраймыз», делінген хабарламада.
2024 жылдың 27 маусымында Шанхай Ынтымақтастық Ұйымы (ШЫҰ) саммитіне дайындық жұмыстарына байланысты Астана маңында жол тосқауылдары қойылғаны белгілі болды.
Сонымен қатар Ішкі істер министрлігі атап өткендей, азаматтардың жүріп-тұруына ешқандай шектеулер жоқ және қаланы ешкім жаппаған. Бірақ кейінірек ҚР Мемлекеттік күзет қызметі елорда тұрғындары мен қонақтарына 28 маусымда қаладағы жолдар жабылатынын ескертті.
