Әскери кеңес отырысының күн тәртібінде Ұлттық ұланның 2024 жылдың бірінші жартыжылдығындағы қызметтік-жауынгерлік қызметінің жай-күйі және жаңадан құрылған бөлімшелерді жасақтау жөніндегі жұмыстың нәтижелері туралы мәселелер қаралды.
Отырысты ашқан құқық қорғау ведомствосының басшысы Қазақстан Республикасының Ұлттық ұланы еліміздегі қоғамдық қауіпсіздік пен құқықтық тәртіпті қамтамасыз етуде шешуші рөл атқаратынын атап өтті.
Сонымен қатар министр құқықтық тәртіп әскерлерімен байланысты өзекті мәселелерді атап өтті. Атап айтқанда, офицерлер мен сержанттар құрамының жеке құрамымен жасақталмау мәселесі қозғалды.
«Әрбір командир бөлімшелердің қызметтік-жауынгерлік қызметін қамтамасыз ету үшін білікті кадрларды іріктеумен айналысуға тиіс. Бас штабқа, әскери бөлімдердің командирлері мен орынбасарларына бос лауазымдарды шұғыл түрде жасақтауды тапсырамын. Жеке құрамға қызмет үшін барлық қажетті жағдайларды жасау қажет. Жергілікті атқарушы органдармен, Қорғаныс министрлігінің Қорғаныс істері жөніндегі департаменттерімен және бөлімдерімен бірлесіп осы бағыттағы жұмысты жандандыру қажет», деді ІІМ басшысы.
Өз кезегінде Ішкі істер министрінің орынбасары - Ұлттық ұланның Бас қолбасшысы генерал-лейтенант Еркін Ботақанов бірінші жартыжылдықта Ұлттық ұланға жүктелген барлық міндеттер толық көлемде орындалғанын атап өтті. Құқықтық тәртіп әскерлерінің штаттарына Ақтау, Атырау, Қызылорда, Орал және Қостанай қалаларында жедел мақсаттағы бес батальон енгізілді. Мамыр айында ел Президенті - Қарулы Күштердің Жоғарғы Бас қолбасшысы Қасым-Жомарт Тоқаевтың қатысуымен авиациялық базаның салтанатты ашылуы өтті. 3 мыңнан астам әскери қызметші, 160-тан астам автомобиль және арнайы техника, сондай-ақ 7 авиация бірлігі табиғи сипаттағы ТЖ режимі жағдайында су тасқынын жоюға тартылды. Жеке құрамның жалпы күшімен 4 мыңнан астам адам, 600 тонна жүк және 130 тонна гуманитарлық көмек тасымалданды, 5 мыңнан астам азамат эвакуацияланды.
Отырыс барысында құқықтық тәртіп әскерлерінің қызметтік-жауынгерлік қызметінің қорытындылары туралы 2024 жылдың бірінші жартыжылдығында Ұлттық ұлан Бас қолбасшысының бірінші орынбасары – Бас штаб бастығы генерал-майор Қайрат Ақтанов баяндама жасады.
Әскерлердің жедел қолдануға дайындығын арттыру мақсатында әскери қызметшілер сексеннен астам бірлескен оқу-жаттығуларға, оның ішінде ведомствоаралық топтар құрамындағы дағдарыстық жағдайларға ден қою жөніндегі кешенді оқу-жаттығуларға қатысқаны атап өтілді.
Құқықтық тәртіп әскерлерінің бөлімшелері өзара іс-қимыл жасайтын органдармен бірлесіп жыл басында қоғамдық тәртіпті қорғауды күшейтуге, табиғи сипаттағы төтенше жағдайлардың салдарын жоюға қатысты.
Міндеттердің үлкен көлемін әскерлер бөлімшелері қоғамдық тәртіпті қорғауды қамтамасыз ету және елдегі жедел жағдайдың өзгеруіне, оның ішінде маңызды қоғамдық-саяси іс-шараларды өткізу кезеңінде уақтылы ден қою бойынша орындады. Атап айтқанда, Шанхай Ынтымақтастық Ұйымының (ШЫҰ) халықаралық саммитін өткізу кезінде Қазақстан Республикасы Ұлттық ұланының жеке құрамы Ішкі істер органдарының қызметкерлерімен бірлесіп қала көшелерінде тәулік бойы кезекшілік атқарды.
Патрульдік-бекеттік қызметтің 2 мыңнан астам міндеті орындалды, 7,5 мыңнан астам құқық бұзушы ұсталды және ішкі істер органдарына жеткізілді.
Елдің қоғамдық қауіпсіздігін қамтамасыз етуге «Бүркіт» арнайы мақсаттағы бөлімшелері елеулі үлес қосады. Оларды дамыту және жауынгерлік мүмкіндіктерді арттыру бойынша жұмыстар жүргізіліп жатыр.
Отырыста өңірлік қолбасшылықтар қолбасшыларының «Бағынысты әскери бөлімдер мен бөлімшелердегі қызметтік-жауынгерлік қызметті ұйымдастыру жөніндегі істердің жағдайы туралы» тақырыбындағы есептері, сондай-ақ Ұлттық ұлан Бас қолбасшысының ТжӘҚЖ жөніндегі орынбасары генерал-майор Қайрат Үмбетовтың «1 жартыжылдықтағы әскерлердегі әскери тәртіптің, заңдылық пен құқықтық тәртіптің жай-күйі туралы» тақырыбындағы баяндамасы тыңдалды. Бұдан бөлек кадрлар және әскери білім басқармасының бастығы генерал-майор Нұрбол Міртаевтың «Жаңадан енгізілген бөлімшелерді жинақтау жөніндегі жұмыстың нәтижелері туралы» баяндама жасады.
Айта кетейік, әскери кеңес отырысын қорытындылай келе, Ішкі істер министрі әскердің жауынгерлік дайындығы мен жауынгерлік қабілетіне ерекше назар аударды.
«Әскерлерді даярлау - бұл жеке құрам арасындағы әскери тәртіпке негізделген жауынгерлік әзірліктің негізі. Сондықтан бөлімше командирінен бастап әскер қолбасшысына дейін барлығы әскери қызметшілерді тәрбиелеумен, моральдық-психологиялық жай – күйімен айналысып, әскери қызметтің тартымдылығы мен беделін арттыруы тиіс», деп түйіндеді полиция генерал-лейтенанты Ержан Сәденов.
Әскери кеңес отырысының қорытындысы бойынша басшылық ету және орындау үшін өңірлік қолбасшылықтар мен әскери бөлімдерге жіберілетін қаулы қабылданды.
Сөз соңында министр офицерлер мен командирлерге жауынгерлік қызметті жоғары рухта жалғастыру керегін айтты. Сондай-ақ оларға мықты денсаулық, отбасыларына амандық пен жауынгерлік қызметте табыс тіледі.
