Облыста жалпы 79 қорым бар. Бұлардың 67-сі – мұсылман, 12-сі христиан қорымы. Сенбілік Жезқазған, Сәтбаев, Қаражал қалалары мен Ұлытау, Жаңаарқа аудандарындағы 5 мұсылман, 3 христиан қорымында өтті. Бұлар аумақты қорымдар болып саналады. Сенбілікке қарапайым тұрғындар, мешіттер мен православ шіркеулерінің өкілдері, «Жасыл ел» жасақтары, т.б. қатысты.
«Өлі риза болмай, тірі байымайды» дегендей, дүниеден өткен адамдардың мәңгілік үйінің айналасын таза ұстау – тірілердің міндеті. Сенбіліктің басты мақсаты осыны көпшілікке түсіндіру болды», дейді облыстық Дін істері басқармасының басшысы Д.Төлегенов.
Облыс бойынша тазалық жұмыстарына 200-ден аса адам қатысып, 9 арнайы техника жұмылдырылды.
Ұлытау облысы
