Баянауылда жүн өңдеу зауыты ашылады

ПАВЛОДАР. 12 маусым. Баянауылдың бұл зауыты іске қосылуға дайын. Ресейден құрал-жабдықтар сатып алынды. Бұл туралы egemen.kz тілшісі хабарлады. Халыққа қызмет көрсету орталығында тіркелгеннен кейін іске қосылатын цехтың қуаттылығы ауысымына 1 тонна жүн өңдеуге жетеді. Ауыл шаруашылық бөлімінің хабарынша, «Есмұханбетов» жеке кәсіпкерлігі «Бизнестің жол картасы 2020» бағдарламасы аясында 14 миллион теңге несие алған. Жергілікті тұрғындардан қабылданатын еділбай қойының жүні зауытта өңделіп, Ресейге экспорттайды. Құрылыс материалдарына қолданылатын тері де шығарылмақ. Ал, Екібастұздың «КазЭкспортКожа» ЖШС тері шикізаты мен жүн өңдеу бойынша айына 300 тонна өнім шығарып, "Web-blue" жартылай фабрикаттарын Қытайға өткізуде. Фарида Бықай. Дерек, сурет: egemen.kz