Ақтөбеде үздік экскурсоводтар анықталды

АҚТӨБЕ. 12 маусым. Ақтөбе облыстық тарихи-өлкетану музейі халықаралық музейлер күні мен мәдениет және өнер қызметкерлері күніне орай «Үздік экскурсовод» облыстық байқауына ұйымдастырылды. Бұл туралы egemen.kz тілшісі хабарлады. Байқауға қала мен аудандардан 17 музей қызметкері қатыcты. Қазылар алқасы қатысушылардың кәсіби біліктілігі мен біліміне, экскурсия жүргізудегі шеберліктеріне баса назар аударды. Байқаудың қорытындысы бойынша бірінші орынды облыстық тарихи-өлкетану музейінің экскурсия жетекшісі Ләззат Нұркеева жеңіп алды. Екінші орынды Алға аудандық музейінің экскурсоводы Қаламқас Ұзақбаева иеленсе, жүлделі үшінші орынды Мұғалжар аудандық ағайынды Жұбановтар мемориалдық музейінің қызметкері Нұрлыгүл Қожанова мен Шалқар аудандық тарихи-өлкетану музейінің қызметкері Айгүл Қуанжанова өзара бөлісті. Жеңімпаздар облыстық мәдениет, мұрағаттар және құжаттама басқармасының алғыс хаты және арнайы сыйлығымен марапатталды. Сатыбалды Сәуірбай. Дерек, сурет: egemen.kz.